මාර්ගගත ක්රමවේදය ඔස්සේ විදෙස් ගමන් බලපත්ර නිකුත් කිරීමේ වැඩපිළිවෙළ ඊයේ (15) පස්වරුවේ හෝමාගම ප්රාදේශීය ලේකම් කාර්යාල පරිශ්රයේ දී ජනාධිපති රනිල් වික්රමසිංහ මහතා ප්රධානත්වයෙන් ආරම්භ කෙරෙනි.විදෙස් ගමන් බලපත්ර අයදුම්කරුවන්ට තම විදෙස් ගමන් බලපත්රය වඩාත් පහසුවෙන් මාර්ගගත ක්රමය (online) ඔස්සේ දිවයින පුරා දිස්ත්රික්ක 25ම ආවරණය වන පරිදි ප්රාදේශීය ලේකම් කාර්යාල 50ක් හරහා අයදුම් කිරීමට මේ සමඟ අවස්ථාව සැලසේ.
එසේ මාර්ගගතව අයදුම්පත් ඉදිරිපත් කරනු ලබන අයදුම්කරුවන්හට ඔවුන්ගේ ඇඟිලි සලකුණු, දිවයින පුරා පිහිටි ප්රාදේශීය ලේකම් කාර්යාල 51 කට අනුබද්ධ, පුද්ගලයන් ලියාපදිංචි කිරීමේ දෙපාර්තමේන්තුවේ උප කාර්යාලවදී ලබා දීම සිදුකල හැකිය. නව වැඩපිලිවෙල ආරම්භ කිරීමෙන් පසුව කිසිවකුට අවශ්ය නම් ආගමන විගමන දෙපාර්තමේන්තුව වෙතත් පැමිණ අයදුම්පත් බාර දී විදේශ ගමන් බලපත්ර ලබා ගැනීමට හැකියාව ඇත.
මෙම නව වැඩපිළිවෙළ යටතේ විදේශ ගමන් බලපත්රයක් අයදුම් කළ පසු අයදුම්කරුවන්ට දින තුනක් ඇතුළත විදේශ ගමන් බලපත්රය කුරියර් සේවාවකට ලබාදෙනු ලබයි.
මෙම වැඩසටහන ආරම්භ කිරීමේ උත්සවයට ප්රවාහන හා ජනමාධ්ය අමාත්ය බන්දුල ගුණවර්ධන, ජනමාධ්ය රාජ්ය අමාත්ය ශාන්ත බණ්ඩාර, මහජන ආරක්ෂාව පිළිබඳ අමාත්යාංශයේ ලේකම් වියානි ගුණතිලක, රාජ්ය පරිපාලන අමාත්යංශයේ ලේකම් රංජිත් අශෝක, කොළඹ දිස්ත්රික් ලේකම් කේ. ජී. විජේසිරි, ආගමන විගමන පාලක ජනරාල් හර්ෂ ඉලුක්පිටිය, හෝමාගම ප්රාදේශීය ලේකම් ඩී.ඒ.ඩී. චින්තක යන මහත්වරු ඇතුළු පිරිසක් මෙම අවස්ථාවට එක්ව සිටියහ.
- කොළඹ දිස්ත්රික් මාධ්ය ඒකකය -
