හැදින්වීම
ජාතික ආපදා කළමනාකරණ මධ්යස්ථානය 1996 දී සමාජ සේවා සහ සමාජ ශුභසාධන අමාත්යාංශය යටතේ පිහිටුවන ලදී. එය 2005/12/08 වැනි දින අංක 1422/22 දරන අති විශේෂ ගැසට් නිවේදනය මඟින් ආපදා සහන සේවා අමාත්යාංශය යටතට පත් කරන ලද්දේ සහන කටයුතු පුනරුත්ථාපන කටයුතු සහ ප්රතිසංස්කරණ කටයුතු සැලසුම් කොට ක්රියාත්මක කරනු පිණිසය. එය 2007/01/09 වැනි දින 1482/9 දරන ගැසට් නිවේදනයෙන් ජාතික ආපදා සහන සේවා මධ්යස්ථානය යනුවෙන් නැවත නම් කොට නැවත පදිංචි කරවීමේ සහ ආපදා සහන සේවා අමාත්යාංශයට මාරු කරන ලදී. අංක 1651/20 දරන ගැසට් නිවේදනය ප්රකාර එය 2010/04 දින සිට ක්රියාත්මක වන පරිදි ආපදා කළමනාකරණ අමාත්යාංශය යටතේ ක්රියාත්මක වේ.
එය කොළම 7 විද්යා මාවතේ හි පිහිටා තිබේ. ආපදා කළමනාකරණ අමාත්යාංශයේ ගරු අමාත්යවරයා සහ ලේකම්වරයා විසින් ඉදිරිපත් කරනු ලබන ප්රතිපත්තිමය මාර්ගෝපදේශ යටතේ එය ක්රියාත්මක වේ. එහි ව්යාපෘති සහ වැඩ සටහන්, ආපදා කළමනාකරණ අමාත්යංශය ලබා දෙන ප්රතිපත්තිය මාර්ගෝපදේශ අනුව අදාළ දිස්ත්රික් ලේකම් කාර්යාල සහ ප්රාදේශීය ලේකම් කාර්යාල විසින් ක්රියාවට නංවනු ලැබේ. ඒ හැරුණු විට ආපදා සහන සම්බන්ධීකාරකවරු දිස්ත්රික් මට්ටමෙන් අදාළ දිස්ත්රික් ලේකම්වරුන්ගේ අධීක්ෂණය යටතේ කටයුතු කරති.
දැක්ම
ආපදා සහන සේවා මගින් සුරක්ෂිතකර ශ්රී ලංකාවක් කරා.
මෙහෙවර
අවබෝධය, වැළැක්වීම, සූදානම්භාවය, ලිහිල් කිරීම සහ සම්බන්ධීකරණය යන මේවා මගින් ස්වාභාවික වූත් මිනිසා විසින් ඇති කරනු ලබන්නාවූත් යන දෙආකාරයේම ආපදාවලින් මිනිස් ජීවිත, දේපළ, පරිසරය සහ වන ජීවීන් ආරක්ෂා කර ගැනීම.
පරමාර්ථ
ආපදා සහන සැලසීම සඳහා අවශ්ය කරන ජාතික ශක්යතා ප්රවර්ධනය කොට ශක්තිමත් කිරීම මගින් මානව දුක්පීඩා සහ දේපල අලාභහානි අවම කර ගැනීම මගින් තිරසාර සංවර්ධනයක් ගොඩනගා ගැනීමේ ජාතික පරමාර්ථයට දායක වීම.
ක්රියාකාරකම්
- පීඩාවට පත්වන ජනතාවට කෙටි කාලීන සහ දිගු කාලීන සහන පියවරවල් සැපයීම.
- ස්වාභාවික වූත් මිනිසා විසින් ඇති කරනු ලබන්නා වූත් යන දෙවර්ගයේම ආපදා වලින් ජනතාව බේරා ගැනීමට වැඩසටහන් සම්පාදනය කොට ක්රියාත්මක කිරීම.
- ආපදා බලපෑම් අවම කිරීමට ඉවහල් වන ව්යාපෘති සැලසුම් කොට ක්රියාත්මක කිරීම (වගා ළිං තැනීම, වර්ෂා ජලය එක් රැස් කර තැබීම ආදිය)
- ප්රතිසංස්කරණ සහ පුනරුත්ථාපන කටයුතු ක්රියාත්මක කරන බවට සහතික වනු පිණිස අදාළ පාර්ශ්වකරුවන් සමඟ සම්බන්ධීකරණයට වී අවශ්ය විධාන දීම.
- ස්වාභාවික වූත් මිනිසා විසින් ඇති කරනු ලබන්නාවූත් යන දෙවර්ගයේම ආපදාවලින් පීඩාවට පත්වන ජනතාවගේ ජීවනෝපායවල් සහ ආර්ථිකය යථා තත්ත්වයට පත් කරනු වස් පුනරුත්ථාපන සහ ප්රතිසංස්කරණ වැඩ සටහන් ක්රියාත්මක කිරීම.
- ආපදා තත්ත්ව පිළිබඳ තොරතුරු සකස් කොට බෙදා හැරීම.
- ආපදා තත්ත්වයන්ට සහ සහන සැලසීමේ උපායමාර්ගවලට මුහුණ දිය යුතු ආකාරය පිළිබඳ රාජ්යනිලධාරීන් සහ පොදු ජනතාව දැනුවත් කිරීමේ වැඩ සටහන් පැවැත්වීම.
- හදිසි අවස්ථාවලදී සහන මෙහෙයුම් කටයුතු සම්බන්ධීකරණය.
- හදිසි අවස්ථාවලදී සහන
සුනාමියෙන් සිදු වූ පීඩා වෙනුවෙන් සහන භාණ්ඩ පවත්වා ගෙන යාම සඳහා බඩු ගබඩාවක් 2005 දී සමාජ සේවා අමාත්යාංශය යටතේ පිහිටුවන ලදී. මෙය ජාතික ආපදා සහන සේවා මධ්යස්ථානය අඛණ්ඩව පවත්වා ගෙන යන අතර හදිසි අවස්ථාවලදී සහන සැලසීම සඳහා අවශ්ය කරන වියළි ආහාර, ජලය, නිවාස / කූඩාරම, සනීපාරක්ෂක උපකරණ, සෞඛ්ය උපකරණ, මුළුතැන්ගෙයි භාජන, බෝට්ටු ඇන්ජිම සහ ඇඳුම් මෙහි ගබඩා කර තබනු ලැබේ. මීට අමතරව වතුර පොම්ප, වතුර ටැංකි සහ වතුර පිරිසිදු කිරීමේ උපකරණ ආදිය ද ගබඩා කොට තබා නියං ප්රදේශවලට බෙදා දෙනු ලැබේ. ජාතික ආපදා සහන සේවා මධ්යස්ථානය මෙම සහන භාණ්ඩ ආපදාවලින් පීඩාවට පත් ප්රදේශවලට බෙදා දෙනු ලබන්නේ අදාළ දිස්ත්රික් ලේකම්වරයා මාර්ගයෙනි.
එසේ බෙදා දෙනු ලබන භාණ්ඩ :
- ආහාර
- ජලය
- වාසස්ථාන / කූඩාරම්
- සනීපාරක්ෂක උපකරණ
- සෞඛ්ය උපකරණ
- වෙනත් දේවල්
සම්බන්ධීකරණ නිලධාරී - අයි.කේ.ඒ. නන්නසිරි - ජංගම දූ.ක.අංකය - 076 - 9901202 / 077 - 8819389
සචිත්රා සම්මානි දළුවත්ත - ජංගම දූ.ක.අංකය - 0715316561