කොළඹ දිස්ත්රික් ලේකම් කාර්යාලයේ සුභ සාධක සංගමය මඟින් සංවිධානය කල " 2023 " සිංහල හා දෙමළ අලුත් අවුරුදු උළෙල අප්රේල් (22) දා උත්කර්ෂවත් අන්දමින් පවත්වයි...කොළඹ දිස්ත්රික් ලේකම් කාර්යාලයේ සුභ සාධක සංගමය මඟින් සංවිධානය කල " 2023 " සිංහල හා දෙමළ අලුත් අවුරුදු උළෙල කොළඹ දිස්ත්රික් ලේකම් / දිසාපති කේ.ජි. විජේසිරි මහතාගේ ප්රධානත්වයෙන් කොළඹ 05 ඩඩ්ලි සේනානායක විද්යාලයීය ක්රීඩාංගනයේදී උත්කර්ෂවත් අන්දමින් අප්රේල් (22) දා පැවැත්විණි.
ස්වදේශ කටයුතු රාජ්ය අමාත්ය අශෝක ප්රියන්ත මැතිතුමන්, පාර්ලිමේන්තු මන්ත්රී ප්රදීප් උඳුගොඩ මැතිතුමන්, රාජ්ය පරිපාලන ස්වදේශ කටයුතු පළාත් සභා හා පළාත් පාලන අමාත්යාංශ ලේකම් රංජිත් අශෝක මැතිතුමන් සහ රාජ්ය පරිපාලන ස්වදේශ කටයුතු පළාත් සභා හා පළාත් පාලන අමාත්යාංශය, ප්රාදේශීය පරිපාලන ප්රතිසංස්කරණ අංශය අතිරේක ලේකම් වරුණ ශ්රී ධනපාල මහතා, ගරු අග්රාමාත්යතුමාගේ පුද්ගලික සහකාර උපදේශක සිසිර වික්රමාරච්චි මහතා ඇතුළු කලා ක්ෂේත්රය නියෝජනය කරමින් උදේනි අල්විස්, කුසුම් පිරිස්, මෙලනි අශෝකා යන මහත්ම මහත්මීන් විශේෂ ආරාධිතයින් ලෙස මෙම අවස්ථාවට එක්වුහ.
ජන ක්රීඩා රැසකින් හා ජන ගායනා වලින් මෙම අවුරුදු උළෙල වර්ණවත් විය. ජයග්රාහකයින් හට ත්යාග ප්රධානය කිරීම ද එම ආරාධිත පිරිස විසින් සිදුකරන ලදී. දිස්ත්රික් ලේකම් කාර්යාලයේ සියලු අංශ නියෝජනය කරන රාජ්ය නිලධාරීන් හා කොළඹ දිස්ත්රික්කයේ ප්රාදේශීය ලේකම්වරුන් ද මෙම අවස්ථාවට සහභාගී වූ අතර එදින දවස පුරා සුන්දර බක්මහ උළෙලක අසිරිය විඳගැනීමට හැකියාව ලැබිණි.
- කොළඹ දිස්ත්රික් මාධ්ය ඒකකය -
